10 Desember
2013
Die
Voorsitter
NG
Kerkraad
Steynsrus
WELWILLENDHEIDSPAKKIE
Ek verwys
na my skrywe gedateer 26 September 2013 en daaropvolgende epos gedateer 26
November 2013. Van beide skrywes is daar ontvangs erken met die boodskap dat
die saak verwys is en aandag geniet. Daar is nou reeds ‘n tydsverloop van meer
as twee maande en aanvaar ek dat die NG Kerkraad of enige iemand van die NG
Kerk nie belangstel om aandag aan die saak te gee nie en daar nog minder ‘n
belangstelling is om die saak reg te stel. Verder kan aanvaar word dat die vernederings wat ek
en my dogter moes verduur, deur die NG Kerk goedgekeur word en waarskynlik as
‘n norm daar gestel word.
Op 23
Oktober 2013, vermoedelik die dag waarop die welwillendheidspakkies uitgedeel
was, bring van Rensburg ‘n besoek aan my huis. My dogter Petro was na buite om
te sien wie die besoeker is. Van Rensburg het ‘n pakkie uit haar motor geneem
met ‘n paar items wat duidelik die oorskiet was van items wat vroëer die dag
uitgedeel was en het die pakkie voor Petro op die grond neer gesmyt en vir
Petro toegesnou dat “as jou ma iets te sê het oor my moet sy dit in my gesig
sê”. Hoekom het van Rensburg die pakkie gebring as sy so houding het? Was die
hele doel van die pakkie om ons vir oulaas weer te verneder? Wat ‘n onmenslike
skande en ‘n skande voor God!! Die ergste is dat hierdie skande ook oor die NG
Kerk is.
Hierdie
vernederings wat veral my dogter moes verduur, word tienmaal vererger deurdat
die Kerk geen poging aanwend om die situasie te beredder nie en waarskynlik
tevrede is met die verloop van sake. Baie teleurstellend!
In die
lig van hierdie gebeure wens ek my lidmaatskap met hierdie NG Kerk te kanselleer
en sal ek my lidmaatskapdokumente op Donderdag 12 Desember 2013 by die
kerkkantoor afhaal. Ek versoek ook dat my naam van die databasis verwyder word.
Die Vrystaat Sinode sal dienooreenkomstig ingelig word.
Die uwe
Wanda du Plessis