22
Julie 2015
Die
Hoofdirekteur
Engo
Posbus
12552
Brandhof
Bloemfontein
9324
Geagte
Ds W J Botha
ONZE RUST SORGSENTRUM VIR
BEJAARDES, STEYNSRUS
Hierdie
brief handel NIE oor al die ernstige oortredings wat personeelledes begaan het
en nooit daaroor aangespreek is nie.
Hierdie
skrywe handel oor die wyse waarop u en u organisasie Engo en Onze Rust my as mens
en as personeellid behandel het. Vir vier jaar was ek getrou en lojaal teenoor
Onze Rust en die inwoners. Ek wat ONSKULDIG is word as ‘n sondebok gebruik om beweerde
misdade wat ander personeelledes gepleeg het in Onze Rust te verbloem en toe te
smeer en word ek as ‘n ONSKULDIGE op die mees onmenslikste, onchristelikste en
verfoeilikste wyse behandel en afgedank.
Vir
meer as ‘n jaar lank was ek in Onze Rust geteister en ook aangerand in die
kantoor van Onze Rust deur ‘n personeellid se vriend wat om geen rede elke dag
by Onze Rust rondgelê het. Ek het feitlik elke dag by die kantoor daaroor gekla
en niks is aan die situasie gedoen nie. In teendeel het die bestuurderes my
gedreig dat ek nie hierdie persoon mag konfronteer nie en indien ek ‘n saak van
aanranding teen hierdie persoon maak en die sorgsentrum se naam kom ter sprake
dan word ek afbetaal. Dit is SIEK en druis in teen enige vorm van menslikheid.
Die ergste is dat ‘n raadslid bewus was van hierdie ongeruimdhede.
Op
2 Desember 2014 doen Magda van Niekerk, nogal ‘n direkteur van Engo, ‘n
ondersoek en ondervra my oor sake wat ek nie eers bewus was bestaan nie. Sy
beskuldig my summier dat ek skuldig is. Sy het egter geweier om enige getuies
in die sake te ondervra wat teenstrydig is met die Arbeidswetgewings wat daar
gestel is om regverdigheid in die werkplek te verseker. Haar ondersoek was dus
onvolledig en onregverdig en hierdie ondersoek hoort net op een plek: die
ashoop! Duidelik het sy geen benul om ‘n ondersoek te doen nie, maar nogtans
gaan sy voort om my aan te kla.
Die
aanklag self was baie onduidelik en vaag en was eerder op ‘n ander persoon
gemik wat nie by Onze Rust werksaam is nie.
Tydens
die interne dissiplinêre verhoor het die voorsitter, Nico Louw, elke denkbare
voorskrif vir ‘n regverdige verhoor oortree. Het hierdie persoon geen benul van
‘n interne verhoor nie of was hy aangesê om my skuldig te bevind ongeag die
gevolge?? Magda van Niekerk het ook nie geweet wat om te sê nie en duidelik het
die verhoor gegaan nie oor wat ek kwansuis verkeerd gedoen het nie, maar dit
het 99,99% gegaan oor mnr de Scally wat beweerde misdade in Onze Rust bekend
gemaak het. Weereens hoekom dit op my uithaal terwyl Engo en Onze Rust eintlik
vir mnr de Scally kwaad is?? Die bestuurderes, Minnie Burger, het ook in die
interne verhoor getuig maar ek moet eerlik wees ek weet tot vandag toe nie wat
sy eintlik wou sê nie. Weereens het sy getuig oor dinge wat niks met my of my
saak te doen het nie, nee weereens het dit als oor mnr de Scally gegaan. Daar
was nie ‘n opname gemaak van die verhoor nie en daar was ook nie ‘n notule
geskryf nie. Ek het egter direk na die verhoor ‘n volledige dokument opgestel
oor wat elkeen in die verhoor gesê het en hierdie dokument sal ek eersdaags op
my eie webtuiste publiseer om u instaat te stel om self te lees hoe onregverdig
die verhoor was.
Die
volgende stap stel Nico Louw ‘n BEVINDING EN AANBEVELING op waarin hy, met alle
respek, die beheerraad belieg en bedrieg om my in ‘n slegte lig te stel. Hoe
kon hy in elk geval ‘n sinvolle en betroubare bevinding opstel as daar nie eers
‘n notule van die verhoor was nie??
Vir
al die beweringe wat ek maak het ek die bewyse en my sieninge word gerugsteun
deur die arbeidswetgewings en ook deur deskundiges in die arbeidspraktyk.
Nie
tydens die ondersoek, of die interne verhoor, of in die aanbeveling aan die
beheerraad, kon daar nie enige iets, selfs nie die grootte van ‘n stofdeeltjie,
bewys word dat ek skuldig is aan enigiets van wat beweer is nie. Hoekom moes ek die onderspit
delf vir beweerde misdade wat ander personeelledes gepleeg het en hoekom moes
ek boet sodat Onze Rust hierdie misdade kon probeer toesmeer het??
Behalwe
dat ek onskuldig is, wat was die finansiële implikasies van hierdie saak?
Kortliks kan
die volgende uitgewys word:
1.
Daar moet etlike maande salaris aan my betaal word.
2.
Daar moes ‘n voertuig drie keer vanaf Bloemfontein
na Steynsrus toe ry en drie keer vanaf Bloemfontein
na Kroonstad toe ry vir hierdie saak. Net die brandstof alleen beraam ek op
ongeveer R3 000.
3.
Al die afskrifte en uitdrukke van die dokumente wat Engo gebruik het in hierdie
saak moet beslis etlike honderde rande beloop.
4.
Indien die tyd wat senior personeel aan hierdie saak moes spandeer omgereken
word in geld, sal dit ‘n astronomiese bedrag in die hoë duisende beloop.
In
my opinie behoort die Departement Sosiale Ontwikkeling bewus gemaak te word oor
hoe die staatsubsidies en inwonersgelde misbruik en verkwis word.
As
in ag geneem word dat ek onskuldig is, word die vraag gevra of hierdie saak
enigiets vir Engo of Onze Rust die moeite werd was. Of is dit die prys wat
betaal moet word vir onbekwame personeel?
Ons
as personeel was al gedreig dat ons nie mag praat indien ‘n misdaad teenoor ‘n
inwoner waargeneem word nie. Tydens my interne verhoor het Magda van Niekerk by
implikasie dit ook duidelik gestel dat daar verhoed moet word dat ‘n aanranding
op ‘n inwoner aangemeld word. Besef niemand by Engo en Onze Rust dat dit op sig
self ‘n misdaad is om nie ‘n ander misdaad aan te meld nie? Word daar dus van
onskuldige personeel verwag om misdadigers te wees?
U
sal verstaan dat ek verbitterd voel oor dit wat aan my gedoen was terwyl ek
onskuldig is. Vir vier jaar was ek lojaal en ten spyte daarvan dat ek gereeld
waargeneem hoe inwoners te na gekom word het ek nooit enigsins iets daaroor aan
enigiemand gesê nie. U sal besef dat indien mnr de Scally enigsins bewus was
van die wandade wat ek oor ‘n tydperk in Onze Rust waargeneem het, sou hy
sonder twyfel dit skriftelik bekend gemaak het en ook gepubliseer het. Het hy
enige dokumente van hierdie wandade na u of enige ander personeellid gestuur?
NEE want ek het nie my waarnemings oorgedra nie. So hoekom my beskuldig? Dit
waarvan ek beskuldig was terwyl ek onskuldig is, is presies wat ek nou gaan
doen.
Genugtig
ds Botha u is immers ‘n predikant van die NG Kerk en hoe kon u toelaat dat u
organisasie Engo wat ‘n sub-program van die NG Kerk is, my op so onmenslike,
gewetenlose, gevoellose en ONCHRISTELIKE wyse vernietig as mens?!! Oral is dit
telkens geopper dat Engo ‘n christelike organisasie is, veral as hulle ‘n nie
‘n vraag kon antwoord nie. In my opinie is al wat van die NG Kerk oorgebly het
is leuens en misdaad. Dit is ‘n skande voor GOD!
Ek
word gereeld deur die publiek en inwoners van Onze Rust gevra wat aangaan omrede
ek nie meer by Onze Rust werksaam is nie. In my opinie is die publiek geregtig
om van die feite kennis te dra en ek dink dit goed om ‘n kopie van hierdie
brief aan elke inwoner van Steynsrus te voorsien sodat dit nie vir my nodig sal
wees om elkeen individueel in te lig nie. Ek sal eers op 1 Augustus 2015 gereed
wees om afskrifte te maak en te versprei en dan ook op my nuwe webtuiste te
publiseer.
Ek
glo dat u as die Hoofdirekteur van Engo en as ‘n predikant van die NG Kerk ‘n
regverdige mens is en dat u hierdie onregverdige verloop van my saak sal
ondersoek en tot op die been blootlê. U is welkom om met my samesprekings te
voer oor hierdie aangeleentheid. Indien u egter dit eerder so sou verkies, is u
welkom om alle aspekte van my onregverdige behandeling en verhoor in detail te
lees wat ek stelselmatig op my onderstaande webtuiste sal publiseer.
Ek
glo dat hierdie aangeleentheid op ‘n beskaafde wyse aangespreek sal word.
Vriendelike
groete
Wanda
du Plessis