Beste Wanda,
Dankie vir jou skrywe. Ek is jammer dat ek nou eers reageer:
ek was die grootste deel van Januarie met siekverlof, en verlede week
in Stellenbosch waar ons kinders na die Universiteit moes gaan en
gevestig word. Afgelope paar dae sedert Maandag probeer ek dus net al
die werk inhaal en pos hanteer.
Ek neem kennis van die inhoud van jou skrywe. Ons het
môre-oggend 'n vergadering van die Interimkomitee (die dagbestuur van
ons moderamen), en sal ek dit dan daar voorlê sodat ons jou kan adviseer
oor die goeie wyse om die hele aangeleentheid te hanteer. Dit is
jammer dat sulke gebeure die lewens van gelowiges en gemeentes
seermaak. Sodra ek môre meer duidelikheid het, kom ek terug na jou.
Groete intussen,
Jan Lubbe.
