My ondervinding is dat daar GEEN kommunikasie in die NG Kerk is nie.
Dit is net nie duidelik of die rede is omdat die NGK onbekaam of
net plein onbeskof is nie.
Hierdie onbeskofdheid is nie toevallig nie en word ook duidelik ervaar in die subprogram NG Welsynsdienste.
Hierdie onbeskofdheid is nie toevallig nie en word ook duidelik ervaar in die subprogram NG Welsynsdienste.
Artikel
soos verskyn op News24
‘NGK
moet leer om te kommunikeer’
Te
veel teenstrydighede, sê Jean Oosthuizen
Deur
Malani Venter Donderdag 12 Maart 2015 05:00
Die
NG Kerk moet leer om te kommunikeer. Hy slaag tans nie daarin om met sy lidmate
te kommunikeer nie.
“En
’n mens kan
dit sien as jy net kyk na die Belhar-nagmerrie wat tans aan die gang is. Die
kerk se kommunikasie werk nie,” het Jean Oosthuizen, voormalige nuusredakteur
van die Kerkbode, op die sesde dag van die Universiteit Stellenbosch se
Woordfees gesê.
Die
onderwerp was “Wie is die NG Kerk? Oor bastions en onsekerheid.”
Oosthuizen
was twee jaar gelede betrokke by die debakel toe die Kerkbode hom as borg van
gesprekke oor godsdiens aan die Woordfees onttrek het. Die paaie van die
Tydskriftemaatskappy, uitgewer van die Kerkbode, en dié van Oosthuizen, toe nog
nuusredakteur, het daarna geskei.
Oor
kommunikasie in die NG Kerk het Oosthuizen vervolg: “Daar is te veel
teenstrydighede en daar word te veel met woorde gespeel. Vir die kerk om te
slaag om sy boodskap oor te dra, is beter kommunikasie nodig.”
’n
Medespreker by die gesprek, prof. Nelus Niemandt, voorsitter van die NG Kerk se
algemene sinode, het oor die Belhar-belydenis gesê: “Die een verrassende ding
wat na vore staan, is hoe baie NG-lidmate passievol hieroor is.
“Dit
het my verwagtinge oortref . . . die intensiteit van die
debat en die passie daaroor . . . daar is in die NG Kerk ’n
soort energie oor hierdie saak wat baie intenser en meer is as wat ek verwag
het.”